الرئيسيةالبوابةاليوميةس .و .جبحـثالمجموعاتالتسجيلدخول

شاطر | 
 

 بروست حراق خيالي بالخلطة السريه ( عمل ايديا )

اذهب الى الأسفل 
كاتب الموضوعرسالة
خذاني الشوقـ
المدير
المدير
avatar

رقم العضويه : 4
الجنس : ذكر عدد المساهمات : 1097
تاريخ التسجيل : 10/02/2011
الموقع : http://n7-m8200.forumarabia.com/
العمل/الترفيه العمل/الترفيه : مـتـشـوقـ المزاج المزاج : مستمتـــــــــــع

مُساهمةموضوع: بروست حراق خيالي بالخلطة السريه ( عمل ايديا )   الأحد مايو 22, 2011 3:28 pm







بسم الله الرحمن الرحيم

السلام عليكم ورحمة الله وبركاته

يامرحبا بكم كيف الحال

اليوم جايبت لكم بروست حراق رهيب وبخلطة سريه بطريقتي الخاصة

تعالوا معي نتعرف على طريقة البروست .





هذه عباره عن ارجل وأفخاذ دجاج
نظفناها ووضعناها جانبا
الى الخلطة >>>>>>>






زي منتو شايفين مقادير الخلطة
ثوم +ليمونه معصوره + ملعقتين طحين أبيض +خل أبيض نصف فنجال او أكثر
أو أقل حسب رغبتك له +علبة زبادي +بيضتين + ملح ملعقة صغيره .+ بهارات حاره
او فلفل حسب رغبتك لا تشيلي هم
اذا تبينه حار حراق ضعي عليها اي حاجة من الحوار فلفل اسود او
بهارات حاره او فلفل طازج تطحنينه .





شايفين الخلطة بعد ما تم طحنها
وخلطناها مع بعضها البعض , نضعها هنا في وعاء يحتوي
على الكميه حتى يتم تشرب الدجاج الخلطة .






وضعنا الدجاج في الخلطة وغمرناها فيه
هنا سنتركها جانبا لمده نصف ساعه او الوقت الي انتي تقدرين عليه
وكل ما تغمرت وقت أكثر ساعد
على سرعت نضوجها اثناء وضعها في الزيت ,




وضعنا على الخلطة البهارات الحاره وغطيناها فيه حتى تعطي نكهه قويه

راح نتركها على جنب وفي هذة الأثناء

يتم إعداد سلطة لتقديمها مع البروست ,



هذي سلطة حمص مكونه من
حمص وربع فنجال حليب سايل بارد
وخل وليمون وماعلقة صغيره سكر وهذا الي مجننا
على سلطة المطاعم اثاريهم يحطون سكر فيها وفعلا تعطي طعم لذيذ جدا
وإذا تبين حطي ثوم معها
على كيفك انتي حره
طيب نشوف هنا
بعد ما خلطنا المقادير
سويناها وزيناها بزيت الزيتون أصلي
وحمص حب يعني بليلة وقليل من الكمون والبقدونس





وهذي سلطة ثانيه
زبادي بالخيار المقطع

وزيناها بشوي نعناع ناشف
وزيتون
وكل ما حطيت وحده اقول بس هذي وانا احط زياده لين صار ت
جميع الحدود زيتون أخظر





هنا بدأنا بتجهيز البروست
حتى نضعه في الزيت
في الصوره يظهر البقسماط الي راح نغمس فيه الدجاج بعد ما نطلعها من الخلطة

لو ما عندك بقسماط حطي بسكوت شاهي مطحون
او شابورا او خبز ناشف اطحنيه
او توست حمريه لين ينشف واطحنيه وبكذا تكوني وفرتي احتياجاتك نفسك
طيب نشوف هنا البقسماط له فائده اكثر من الطحين
أولا :انه يخلي البروست مقرمش على الأخر
الثاني : أنه ما يسوي طبقة سميكة تمنع استواء الدجاج بسرعه .






وهذا الدجاج داخل الخلطة من شكله مبين انه متشرب للخلطة
تركتها تقريبا لمدة نصف ساعه ,
طيب الي بعدو >>>>>>>>>>>>>>




وضعنا ارجل الدجاج وأفخاذها في البقسماط
وعمرناها فيه حتى اختفت معالم الدجاجه ..







وضعناها في الزيت ويكون الحراره متوسطة او أقل حتى
لا يحترق ويتحمر الطبقة العلويه ومن داخلها نيه
فابكذا نمنحها وقت أكثر علشان تستوي من الداخل والخارج .
وإذا تغطينها أفضل ..





هنا تبين لنا الصوره البروست بعد ما تحمر خرجناها ووضعناها على مناديل او ورق
حتى تنشف من الزيوت
وبالنسبة هناك فائده كبيره من البقسماط غير عن الطحين أنه ما يشرب الزيت
تلاقينه ناشف ومقرمش جدا .





الصورة النهائية
تقدمونها مع سلطة حمص وخيار وزبادي او كاتشب ومايونيز
ومعها المشروب الي تحبوه
يعني ما في قيود .
وبالهناء والعافية .
الوالده تقول وش فيك تصورين
قلت لها آلف كتاب طبخ
شكلي بسويها .


ممكن شوي هنا على جنب >>


شايفين الزيت هذا
الي عليها الصوره ذي
الي واضحه انها خاصة للقلي
هذا أفضل زيت تقلين فيه الي يجي بتنكه
أما الثاني الي في جيوك شفافه هذا
خليه للفطاير والمقادير الثانيه والطبخات العاديه




يالله اتمنى يعجبكم وأي ملاحظة يشرفني انكم تنقلونها لي .



الى القاء في أطباق أفضل وأفضل .























[u][b][i]خذاني الشوق[/i][/b][/u]



BLACK BERRY
pin:27489EE0
الرجوع الى أعلى الصفحة اذهب الى الأسفل
المهبوله
المحضورين
المحضورين
avatar

رقم العضويه : 20
الجنس : انثى عدد المساهمات : 284
تاريخ التسجيل : 08/04/2011
الموقع : لاجنحه الفضائيه
العمل/الترفيه العمل/الترفيه : النت المزاج المزاج : ممتاز

مُساهمةموضوع: رد: بروست حراق خيالي بالخلطة السريه ( عمل ايديا )   الخميس مايو 26, 2011 8:21 am

مــِِِِـــــشـــِِِِـــكؤؤور يم يم لذيذة ههههههههههههههه
الرجوع الى أعلى الصفحة اذهب الى الأسفل
الامير الساهر20
المشرفون
المشرفون
avatar

الجنس : ذكر عدد المساهمات : 293
تاريخ التسجيل : 25/05/2011

مُساهمةموضوع: رد: بروست حراق خيالي بالخلطة السريه ( عمل ايديا )   الجمعة يونيو 03, 2011 7:59 am

مشكووووووووووووووووووووور

بالصحة والعااافية
الرجوع الى أعلى الصفحة اذهب الى الأسفل
 
بروست حراق خيالي بالخلطة السريه ( عمل ايديا )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ღ♥ღ¸.•°][ منتديات الاجنحه الفضائيه][°•.¸ღ♥ღ  :: ღ♥ღ¸.•°][ المنتديات الاجتماعيه][°•.¸ღ♥ღ :: طبخات و وجبات سريعة و اكلات و وصفات-
انتقل الى: