الرئيسيةالبوابةاليوميةس .و .جبحـثالمجموعاتالتسجيلدخول

شاطر | 
 

 الأشياء التي تصير في السعودية ..وربي كله صحيح

اذهب الى الأسفل 
كاتب الموضوعرسالة
غلاك غير
المدير
المدير
avatar

رقم العضويه : nambr 1
الجنس : ذكر عدد المساهمات : 1585
تاريخ التسجيل : 04/02/2011
الموقع : http://n7-m8200.forumarabia.com
العمل/الترفيه العمل/الترفيه : الانتر نت المزاج المزاج : صعب

مُساهمةموضوع: الأشياء التي تصير في السعودية ..وربي كله صحيح    الإثنين يونيو 27, 2011 9:03 pm

الأشياء التي تصير في السعودية ..وربي كله صحيح

. الاشياء الي [url=http://www.al2la.com/vb/t23474.html]تصير [/url]في السعوديه.


- دائماً مسرعين وماوراهم شي

- لازم هوشه في اي لعبه جماعيه سواء كانت " كيرم "أو " بلوت " مروراً بـ "الـ أتاري "

- شي لازم يمر بطفولة كل بزر .."انت مب ولدنا ، لاقينك بالشارع"

- ألام السعودية اذا ضاع ولدها تبكي .. وإذا لقته طقته

- لازم تنكسر صينيه ولا كاسة شاهي بالبيت اذا فيه ضيوف

- كل الحريم عيالهم ما ياكلون ، حتى السمين:مسيكين وليدي مهوب ياكل أبد

- كل الهنود و الاجانب اسمهم محمد

- مايحلى الإنترنت الا وقت الاختبارات والنوم

- الحريم اذا اتصلوا على الرجال اول كلمه تكون :"وينك؟" والرد دايم :"قريب"

- أي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب

- في كل بيت لازم مجلس للحريم ومجلس للرجال ويشوهون مخطط البيت ومع كذا مايجيهم احد

-أم توصي عيالها : "اذا سألوكم اي شيء قولوا : مادري"

- الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم

- الأم تعاتب ولدها :"حرام عليك ليش طقيت أخوك الصغير وبكيته ؟؟" ... الولد :"هو اللي بادي"

-الولد مع اهله مايدفع ريال ومع اصحابه يحلف عليهم ماتدفع ريال

- فشلتونا :كلمة يقولها الولد لأهله إذا جاء يمشيهم


-الدولاب فيه مليون لبس و اذا جت عزيمه "ماعندي شيء البسه, ياربيه وش اللبس, بروح السوق ادور اخاف ما القى , ياربيييه ليتهم ماعزمونا

-الكبار يمسكون البزر ويحجرونله :"من تحب اكثر امك ولا ابوك؟ "

- يوم الجمعه : يوم السمك العالمي

- ما يعرفون يطلبون بالكوفي إلا : "كبتشينو" وبعد إدمان للكافيهات .. صار يعرف : موكا

- يستخدمون كأسات الجبنه للشرب (ماء أو شاي)

-لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان

-آكل الـ " آيس كريم " بشويش علشان اخوي يخلص حقه قبلي واقهره


- في عز الفرحة: "مناسبه سعيدة، عيد، سفر،مجتمعين على الغداء ..الخ"، تلقى الام تهاوش بناتها و الولد يضرب اخواته


- سوالف البنات بعد الزواجات: أنا اكشخ وحده-وانا احلى وحده-ويوم مريت كلهم ناظروني.حركات الشعور بالنقص ودك تلفعينها وهي تسولف




-انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونها عين

-لا تسلمين خليها هي تسلم .. ويخلص العرس وماسلموا على بعض


- اذا عرفواإن الولد يحب اخته المولوده ولا يغار، يقولون له بناخذ اختك، يالله هاتوا ملابسها

-إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم كن ماتزوج ولا حمل ولا ولد ولا سافر ولا مرض غيرها


-سلام الجدات:هلا وشلونكم وشخباركم وعساكم بخير وشلون عيالكم وشلونكم و شلون شايبكم وشلونكم و شخباركم وعساكم طيبين وشخباركم وكل ذا في 30 ثانيه


-عند كل سوق لازم تلقى مجموعه شباب يبون يدخلون وهم يدرون أنه عوائل


- سعودي يسأل عامل اجنبي ... انتا مسلم؟ مين كفيل؟ وين شغل؟ كم راتب؟ امممممم ايش اسم انتا يا محمد

- الام كل ماشافت عيالها عند اللاب توب او معاهم البلاك بيري او الايفون:تدعي ع اللي صنعهم

- حالة طوارئ يوميا الساعه السابعه صباحا


-إمك وابوك من عرفتهم وهم الأوائل في كل دراستهم وأنت اللي ما طلعت عليهم



- رمضان حزة اذان المغرب: أذًّن؟ لا ما أذن؟ إلا كني سمعته! اطلع شف اذن ولا لا؟ اسئلو بالبيريأذن؟ طيب حطو القناة الاولى نشوف


- اذا خلصت بطارية الريموت ، يجلس يعضه ويعضه ويركبه ويشتغل الريموت ويحس انه سوا انجاز


- الرجل السعودي : يلا أنا عند الباب اطلعي وهو باقي له ربع ساعه ياصل البيت


- مواصفات زوجة المستقبل عند أي سعودي .. طويلة وبيضا وشعرها طويل ..

- كل الطلاب اللي درجاتهم ضعيفه ..بينهم عذر مشترك ..وهو ان المدرس حاقد عليهم

- الأم : يا وليدي ارجع للبيت بسرعه بس ( لا تسرع ) !!


- عندك واسطه ! تدخل جامعه، مستشفى حكومي، وزارات ! ما عندك شي ؟ أجل اقعد في بيتكم


- يمر لمحل وجبات سريعة .. والطلب: همبرجر تريبل .. اكسترا شيز .. مايونيز , وعشان الرجيم : الببسي دايت


- إذا معانا مشروب غازي و نشب فينا بزر نقول:" هذا دوا يابابا دوا "

- تلاقي المتسوق عند الكاشير يحتج و يشتم فيهم لأن الأسعار عالية، و بالأخير يطلع الفلوس من جيبه و يعطيها للكاشير

- مستحيل تأخذ سندويتش للمدرسة عشان ما يقولون عنك مصري


- أكبر بنت وولد على اسم الجد والجدة , بنتهم الكبيرة لطيفة والثانية ميار


- نتواعد نطلع 6 وتصير الساعه 8 ولسى ماطلعنا


- اذا بيقومون شخص من النوم، يطفون المكيف، يفتحون اللمبات يشيلون الفراش, واأحياناً يرشون الوجه مويه(في الشتاء مويه بارده)


- الصغار ما يحبون يسلمون عالضيوف الا بالقوه .. وبالعيد ما يخلون احد ما يــــــــــــِِِــســـلـــــــــــِِِموؤووؤن عليه عشان العيديه


- الام تدلع ولدها والبنت ملعون خيرها

- اذا جو يصلون لازم يلفون شوي يسار للقبله

- اذا مريت عند ناس وهم واقفين ولا سلمت قالوا شايف نفسه واذا سلمت قالوا يبي يتعرف

- اذا كنتوا جالسين وطلع واحد، حشيتوا فيه واللي يخاف ان يحش فيه مايطلع الا آخر واحد

- الطفل السعودي يكلم طفل ثاني: أبوي أقوى من أبوك, سيارة أبوي أحسن من سيارتكم, وريني عضلاتك - عضلاتي أكبر من عضلاتك ...... الخ

- الطفل السعودي اذا كان بالشارع ومرت سياره، يشوت نعلته علشان تدعسها السياره


- العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه.


5 
الرجوع الى أعلى الصفحة اذهب الى الأسفل
http://dc03.arabsh.com/i/02579/aik9n1zxgr43.swf
تعلمت بعد ما تآلمت
المشرفون
المشرفون
avatar

العمر : 21
رقم العضويه : 4
الجنس : انثى عدد المساهمات : 28
تاريخ التسجيل : 14/04/2011
العمل/الترفيه العمل/الترفيه : ؟؟؟؟؟؟؟؟

مُساهمةموضوع: رد: الأشياء التي تصير في السعودية ..وربي كله صحيح    الأربعاء يوليو 13, 2011 2:35 pm

هههههههههههههههههه

كلام صحيح وكلها مجربه عمليا وعلميا

يــــــــــــِِِــســـلـــــــــــِِِموؤووؤووووو


الرجوع الى أعلى الصفحة اذهب الى الأسفل
الامير الساهر20
المشرفون
المشرفون
avatar

الجنس : ذكر عدد المساهمات : 293
تاريخ التسجيل : 25/05/2011

مُساهمةموضوع: رد: الأشياء التي تصير في السعودية ..وربي كله صحيح    الأحد يوليو 17, 2011 5:46 pm

ههههههههههههههههههههه

حلووووووووووه

يعطيك الف عاااافية
الرجوع الى أعلى الصفحة اذهب الى الأسفل
 
الأشياء التي تصير في السعودية ..وربي كله صحيح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ღ♥ღ¸.•°][ منتديات الاجنحه الفضائيه][°•.¸ღ♥ღ  :: ღ♥ღ¸.•°][ المنتديـات الترفيهيه ][°•.¸ღ♥ღ :: ¦ ¦ الصرقعه و الهبال...!~-
انتقل الى: